Tatlong Taon

Bibitiw.

Kakapit.

Bibitiw.

Kakapit.

Isang letrang naging salita

Isang salitang naging pangungusap.

Sinulat.

Sinulat.

Tinuldukan,ngunit binura.

Sinulat.

Sinulat.

Pinagpatuloy ang istorya.

Bibitiw.

Kakapit.

Bibitiw.

Kakapit.

Dalawang pusong naglalakbay

Nawawala

Nagkatagpuan

Nagkabanggaan

Nagkasagutan

Nagkasisihan

Nahulog

Bumangon

Tumakbo papalayo

Umiwas

Umikot

Tumakbo papalayo.

Nagtago

Nahulog

bumalik sa umpisa

Nagtago

Nahulog

nagtapos sa simula

Bibitiw.

Kakapit.

Bibitiw.

Kakapit.

Kailangan tapusin,

hindi simulan

Simulan

Simulan

Sinubukang simulan.

Tinapos.

Tinuldukan.

Dinagdagan namang muli.

Sinara.

Iniwan.

Binalikan namang muli.

Bibitiw.

Kakapit.

Bibitiw.

Kakapit.

Pagod na

susuko na

mawawala na

maglalaho na

Iiyak

Magmumukmok

Kakatok sa pinto

Itataboy

Itatago

Hindi paaabutin sa dulo.

Bibitiw?

Kailangan bumitiw.

Kakapit?

Huwag ng ipilit.

Limang beses na pagbitiw,

Walang hanggan na pagkapit.

Isisigaw ang pagbitiw.

Ibubulong ang pagkapit.